Partekatu:

Errepidea toki seguruagoa bilakatzeko elkarrizketak

Informazio gehiago

Play

Elkarrizketak ikusi

Euskadiko errepideetan hiltzen diren pertsonen herena motor-gidariak izaten dira. Datuak gogoeta egitera bultzatu beharko gintuzke.

Motor-gidariak eta beste ibilgailu batzuen gidariak elkartu ditugu, errepidea toki seguruagoa bilakatzeko moduei buruz hitz egiteko.

Segurtasun aholkuak ikusi

Errepidea toki seguruagoa bilakatzeko aholkuak

Motor-istripuak murriztea errepidea partekatzen dugun guztion eginkizuna da. Hemen, motorren eta beste ibilgailuen arteko bizikidetasuna hobetzeko hainbat aholku topatuko dituzu.

Motor-gidaria al zara?

Ezustekoak aurreikusi

Aurrea hartu beste ibilgailuen maniobrei. Arrisku egoerak aurreikusteak hartu beharreko erabakiak hartzeko denbora gehiago emango dizu.

Ikus zaitzatela

Zeure esku dagoen guztia egin ezazu, errepidean ikus zaitzaten. Bidegurutzeetan, saia zaitez abiadura murrizten, ireki apur bat erreiko ibilbidea besteek ikus zaitzaten eta gune itsuak saihesteko.

Ez ezazu egin zig-zag mugimendurik ibilgailuen artean

Saihestu zig-zag mugimendu oro gainerako ibilgailuen artean; izan ere, gune itsuetan sartu-irtenak egingo dituzu eta ezin izango zaituzte ikusi, ezta zure ibilbidea aurreikusi ere.

Ez gainditu zure mugak, taldeari jarraitzeagatik

Errepidean taldean ibiltzen zarenean, ez dituzu zure mugak gainditu behar, lagunei jarraitu ahal izateko. Ez zaitez kezkatu, aurrerago itxarongo dizute. Zorionez, laguntasuna da gure nortasunaren erakusle.

Taldean, egokitu zure gidatzeko modua

Kontuan hartu taldean bidaiatzen duzunean, zure erreakzio- eta maniobra-gaitasuna urriagoa dela bakarka joaten zarenean baino. Hori dela-eta, arreta handiz jokatu.

Errepidea ez da zirkuitu bat, partekatu egiten da

Ikusi al dituzu inoiz Marquez edo Rossi errepidean lehiatzen? Azkar zirkulatu nahi baduzu, inguru seguru eta egokituetan egin.

Errespeta ezazu eta errespetatuko zaituzte

Errespetua irabazteko modurik onena da errepidea partekatzen duzun gainerako ibilgailuak errespetatzea. Motor-gidari guztiek eskertuko dizute.

Beste ibilgailu bat gidatzen al duzu?

Bolantean deskuiduak saihestu

Telefono mugikorra edota GPSa begiratzeak istripua eragin dezake. Gogoratu errepidea karrozeria-babesik gabeko pertsonekin partekatzen duzula.

Zure asmoak behar bezala eta garaiz adierazi

Errepidean doazen gainerako ibilgailuei zure asmoen berri eman. Horrelako oinarrizko arauak betetzeak istripu ugari saihestu ditzake.

Zure begirada da motor-gidarien bizi-asegurua

Bidegurutzetara iristen zarenean begiratu ezazu bi aldiz ibilgailurik ez datorrela ziurtatzeko. Kontuan hartu motorrak autoak baino gutxiago ikusten direla.

Abiadura eta segurtasun-distantzia egokiak mantendu

Motor baten erreakzioei erantzuteko behar adina denbora eta tokia izan nahi badituzu, abiadura eta segurtasun-distantzia egokiak mantendu. Gogoratu motor baten aurka talka egiteak ondorio larriak ekar ditzakeela.

Atzerako ispiluei maiztasunez begiratu

Atzerako ispiluei esker, zure begirada atzerago helduko da eta horrek lagunduko dizu, ibilgailuaren inguruan gertatzen den guztia kontuan izanda, hartu beharreko erabakiak hartzen. Ispiluetatik begiratzean, adi-adi egon, motozikletak ez baitira turismoak edo kamioiak bezain erraz ikusten.

Haizea badabil, arreta handiz jokatu

Haize handiko guneetan, motorrak ezegonkorragoak izaten dira, eta ibilbidea bat-batean aldatu dezakete. Hori kontuan hartzen baduzu, arrisku-egoerei aurrea hartu ahal izango diezu.

Aurreratu motor-gidarien agerpenari

Urteko garai eta errepide zehatz batzuetan motorren kopurua handitu egiten da. Antzematen duzunean, arretaz gidatu eta kontuan hartu bihurguneetan edota ikuspen urriko guneetan motorrekin gurutzatu zaitezkeela.

Kontuz seinale akustikoekin

Seinale akustikoak erabili behar badituzu, mantendu distantzia, gerta daitekeelako txirrindulari, oinezko edota motor-gidariei ezustekoa eragitea eta oreka galaraztea.